ALGIS

Algışıbıznı allın Bismillah bıla

Anı bıla şaytannı şaytanlıknı taşlayık

Sansız sanavsuz mahdav Ullu Allah’ha bolsun

İçleribiz iyman bıla igilik bila tolsun

Sıylı kulu Paygambarga salat salam bereyik

Kıyamat kün biz anı şafaatın tileyik

Hayırlı işle etib kuvanayık küleyik

Ullu Allah’ıbızdan igilikle tileyik

Har türlü kıyıllıkdan Allah’ıbız korusun

Nasıb etsin eki dünya igiliklerini barısın

Tınç esen rahat caşasın devletibiz elibiz

Birbirine carık bolsun cüregibiz kölübüz

Hayır bolsun ong bolsun savlay tuthan işleri

Har işge ceter bolsun karuvları küçleri

Tüşmanına cavuna küçlü bolsun teyagı

Cıgılmasın abınmasın taşha tiymesin ayagı

Tişin bileb kelgenge citi bolsun biçagı başlayık

Karuvsuzga ongsuzga açık bolsun kuçagı

Tüz cürüsün ong aylansın kız caş telikanlıbız

Sav esen kuvançlı bolsun sabiy,kart,sakallıbız

Kelinle keltirib kızla çıgarıb köb kuvançla eteyik

Har barısını da hayırlı muratlarına ceteyik

Alda aylangan elibizni ulluları kartları

Bılay bolsun eki dünyada körrük kıyıllıkları

Cangı kuralgan bu üv da tolu bir üv bolsun

Halalından hayırlısından mardası bek bay bolsun

Kolları çomart bolsun erkin bolsun aşavu

Algışlada aytılırça tatlı bolsun caşavu

Akıllı,cigit,ciger köp caşı,kızı bolsun

Caşagan dünyalarını tatuvu tuzu bolsun

İgi tilekleribiz kabul bolsun da cetsin

Men algış ete bilmeyme Allah algışlık etsin